Connect the Dots o Kung Paano Ko Kinulayan ang Aking Buhay ni Genaro Gojo R. Cruz

Connect the Dots o Kung Paano Ko Kinulayan ang Aking BuhayConnect the Dots o Kung Paano Ko Kinulayan ang Aking Buhay by Genaro R. Gojo Cruz

Format: Paperback, 295 pages
Published by Anvil Publishing, Inc.
Read on September 15, 2014
My rating: ★★★★

Netong mga nakaraang taon bilang isang mambabasa ay nakahiligan kong magbasa ng mga memoir mga awtor, lalo na ng mga Pilipinong manunulat. Labis talaga akong humahanga sa mga Pilipinong manunulat, nakaka-inspire ang kanilang mga tagumpay at mga naabot sa buhay; ngunit sa pagbabasa ng kanilang memoirs ay napagtatanto kong tunay na tao rin nga pala sila, na bago maabot ang mga tagumpay ay marami munang naranasang pagsubok at hamon.

Ang Connect the Dots o Kung Paano Ko Kinulayaan ang Aking Buhay ay koleksyon ng mga sanaysay ni Genero R. Gojo Cruz tungkol sa kanyang buhay. Karamihan dito ay mga alaala ng kanyang pagkabata, ngunit mayroon ding mga sanaysay tungkol sa kanyang maraming pagsusumikap upang makapagtapos sa pag-aaral. Bata pa lamang siya ay hindi na madali ang kanyang pinagdaanan sa buhay—nanggaling sa isang broken family, “bunsong napayabayaan”, nagsumikap na mapag-aral ang sarili mula elementarya hanggang kolehiyo, namulat sa kahirapan ng buhay—ngunit hindi naging hadlang ang mga bagay na ito sa pag -abot ng kanyang mga pangarap. Nakatutuwa rin na hindi naging dahilan ang kanyang mga hindi magagandang karanasan upang magalit sa mundo, bagkus ay nakita nya ang mga ito sa positibong paraan upang mas mapagbuti pa ang sarili at ang kalagayaan sa buhay.

10599643_10202688518989886_6628723377221451952_n

Kilala si Sir Gener sa pagsusulat ng mga kwentong-pambata, at nakapag-uwi na rin ng mga bigating parangal dahil sa mga ito. Naisip ko, marahil ay kaya siya naging magaling sa pagsulat sa mga kwentong-pagbata ay dahil halos hindi nya naranasan ang pagkabata. Hindi naging ideyal ang mga pangyayari sa kanyang buhay, nakakalungkot ang ilan sa kanyang mga pinagdaanan, at maraming pagsubok ang kanyang hinarap. Ngunit ginamit nya ang mga ito upang lalo pang magpursige at magsumikap. Marami man sa mga hamon na hinarap nya ay makapagdudurog sa ibang tao, nakita nya pa rin ang sarili nya bilang buo at matatag. Malamang ay maraming mga masalimuot na karanasan ang kanyang balikan sa pagsusulat ng mga sanaysay na ito, ngunit nakatutuwa sigurong balikan ang mga hamon na napagtagumpayan mo na at mapagmalaki sa sarili na nakaya mo ang mga pagsubok na dumating sa buhay.

Bilang isang mag-aaral din ng PNU (katulad ni awtor ng aklat na ito) at humaharap din sa mabibigat na hamon ng buhay, nakaka-inspire talaga na magbasa ng mga ganitong klase ng libro. Lubos ang paghanga ko sa mga manunulat na Pinoy, at ang pagbabasa sa mga akda nila ang nagbibigay sa’kin ng inspirasyon. Mahilig talaga akong magbasa ng lokal man o banyagang aklat, ngunit isa sa mga dahilan kung bakit tinatangkilik ko ang mga Pilipinong manunulat ay dahil mas “malapit” sila sa ating buhay, mas “totoong” tao; ang mga karanasan at ang mga akda nila ay kahawig ng sarili nating karanasan. Sa kasalukuyan ang nakikita natin sila bilang matatagumpay sa kanilang larangan at hinahangan ng mga tao; ngunit nakakapukaw ng damdamin ang isipin na marami silang napagdaanan na kagaya ng sa atin, na hindi rin naging madali ang pagtahak nila sa tagumpay, na marami ring balakid ang hinarap nila sa pag-abot ng kanilang mga pangarap. Ngunit hindi sila nawalan ng pag-asa, hindi sumuko kahit pa animo’y puro “dilim” ang naranasan, nagsumikap hanggang makamtam ang liwanag sa buhay.

Ang mga akdang katulad nito ang nagbibigay sa’kin ng insipirasyon. Ang pagbabasa ay nagbibigay sa’kin ng pag-asa na kung nakaya nila, malamang ay kaya ko rin.

Advertisements

The Perks of Book Blogging: Free copy of Janus Silang

Someone is a really happy kid. Just look at what was delivered to our doorstep last Friday afternoon!

Actually, I was not in the house when the package was delivered because I was still in my summer service program. But I asked about it as soon as I arrived, and boy how happy I was when I learned that the package came!

Janus Silang at Ang Tiyanak na Tabon by Edgar Calabia Samar. This is the first book in Janus Silang series and the first (I think) YA book of Adarna House, Inc. This is just the first book of the series, mind you.

Here’s a brief synopsis:

Sa tournament ng TALA Online sa bayan ng Balanga, namatay ang lahat ng manlalaro maliban kay Janus. Sunod-sunod pa ang naging kaso ng pagkamatay ng mga kabataan sa computer shops sai ba’t ibang panig ng bansa. Kinontak si Janus ng nagpakilalang Joey, isa rin umano sa mga nakaligtas sa paglalaro ng TALA na gaya niya. Hindi inasahan ni Janus ang mga matutuklasan niya mula rito na mag-uugnay sa kanya sa misteryo ng kinahuhumalingan niyang RPG—at sa alamat ng Tiyanak mula sa Tábon!

Thank you so much Adarna House for delivering this free copy for me and to Ate Biena for referring me to this. I’m really very excited to read this! And this is the second time that I received a free copy of a book because of my book blogging activities. Yay! Book blogging really has its awesome perks!

Anyway, there’s actually an ongoing blog tour this week to promote the book. Check the book tour schedule here. I wasn’t able to join the blog tour, unfortunately, but I love Sir Egay so much that I’m still promoting Janus Silang in my social media accounts. By the way, use the hashtag #JanusSilang, okay? 🙂 I’d be also reading it this week, so wait for my review in this blog.

By the way, there will be a book launch of Janus Silang book on May 10 at SM North, as well as book discussion with Pinoy Reads Pinoy Books (book club I’m a member of) on May 24. The author will appear on both events, so come and join us! It’ll be definitely fun! Janus Silang would be available in bookstores this May, but you could already add it in Goodreads.

This blog post is sponsored by Adarna House. Like them on Facebook, or follow them on Twitter @AdarnaHouse. You can also like the official Facebook page of the series at Janus Silang Series.

Orosa-Nakpil, Malate by Louie Mar Gangcuangco

Orosa-Nakpil, Malate (A Filipino Novel)Orosa-Nakpil, Malate by Louie Mar A. Gangcuangco

Format: Paperback, 226 pages
Published 2006 by Louie Mar’s Publications
Read in November, 2010
Rating: ★★★★

Because I read the Tagalog version, I shall make my review in the Filipino language.

Taong 2010 nang nabasa ko ito. Isa sa malapit na kamag-aral ko sa kolehiyo ang bumili ng libro, at ang kopya nya ay umikot na sa buong klase. Noong mga panahon yon, unti unti akong namulat sa mga bagay-bagay sa realidad, at maraming beses namin napag-uusapan ang iba’t ibang paksa: relihiyon, karapatang pagkakabaihan, kahirapan, akademikong aralin, at homosekswalidad–kasama ng iba pang paksa tungkol sa buhay.

Ito ang unang aklat na nabasa ko tungkol sa homosekwalidad, partikular na sa mga tinatawag sa ating lipunan na mga “bakla”. Marami akong mga kakilala na ganoon ang oryentasyon, at ang iba pa ay naging mga kaibigan ko. Samakatuwid, ang nagpahiram sa akin ng aklat na ito ay isa ring lalake na tipo ang kapwa lalake. Wala naman akong panghuhusga sa mga ganoon; at interesado din ako sa mga gantong tema.

Ang Orosa-Napkil, Malate ay isang nobela na tinatalakay ang mga kontemporaryong isyu: homosekwalidad, pakikipagtalik, buhay ng mag-aaral, STD, HIV/AIDS, at pag-ibig. Oo, tama–pag-ibig. Marahil marami sa atin ang nagtataas ng kilay tuwing naririnig ang mga kwento ng “pagmamahalan” ng mga tao na pareho ang kasarian; mapalalaki man sa lalake o babae sa babae. Ngunit totoo na umuusbong ang pag-ibig sa mga gantong tipo ng indibidwal, at ang Orosa-Napkil, Malate ang namulat sa akin sa realidad na ito.

Continue reading

Erick Slumbook: Paglalakbay Kasama Ang Anak Kong Autistic

Erick Slumbook: Paglalakbay Kasama ang Anak Kong AutisticErick Slumbook: Paglalakbay Kasama ang Anak Kong Autistic by Fanny A. Garcia

Format: Bookpaper, 304 pages
ISBN: 971271439X (ISBN13: 9712714403) | Published 2004 by Anvil Publishing, Inc.
Read from January 25 to February 10, 2014
owned, pinoy book
My rating: ★★★★

Ang librong ito ang isa sa mga librong nabili ko noong warehouse sale ng National Bookstore noong Nobyembre 2012. Mayroong din akong Introduction to Special Education class ngayong semestre, at ang report ko pa nga ay tungkol sa Autism Spectrum Disorder kaya binasa ko agad ang librong ito bilang additional reference material. Ang librong ito ang nagsisilbing biography ni Erick, isang batang autistic; at autobiography na rin ng kanyang ina na si Fanny A. Garcia.

Si Fanny A. Garcia ay isang manunulat na nagkamit ng mga gantimpala sa Carlos Palanca Memorial Awards for Literature sa mga kategoryang maikling kwento, sanaysay, teleplay, at kwentong pambata. Bago ang Erick Slumbook, nakapaglimbag na rin sya ng apat na libro. Sya din ang scriptwriter ng pelikulang “Saan Darating ang Umaga?” ng Viva Films noong 1983, na nanomina bilang Best Story at Best Screenplay. Bukod dito, nagkaroon na rin sya ng iba pang parangal. Isa rin syang guro, editor, mananaliksik, at tagapagsalin.

Ngunit sa kabila ng kanyang mga tagumpay, hindi akalain ni Fanny na magkakaron sya ng matinding pagsubok sa buhay na siyang magpapatatag rin sya kanya at magsisibling inspirasyon nya. Nasa 30s na sya nang magkaanak–lima ang pinagbuntis nya ngunit ang apat ay nalaglag–at hindi nya akalain na ang kaisa-isa nyang anak ay magiging isang autistic. Si Erick ay isang nonverbal autistic, ibig sabihin ay hindi nya mapahayag ang sarili nya sa verbal na paraan.

Continue reading

Mingaw by Frida Mujer

MingawMingaw by Frida Mujer

Format: Mass Market Paperback
Read on January 7, 2014
borrowed
My rating: ★★★☆☆

Binili ito ng kaibigan ko sa nakaraang book drive ng book club ko dito sa Goodreads, ang Pinoy Reads Pinoy Books. Nakuha namin itong libro nung Readercon, at sakto, nandun din ang awtor ng libro na si Bebang Siy (para sa Mingaw, “Frida Mujer” ang ginamit nyang sagisag-panulat), na myembro din ng aming book club. Nung nakita nya kaming hawak ang libro, tinanong nya kung saan namin nakuha yon. Nanlalaki ang mata nya at pabiro nyang sinabi na bata pa daw kami para sa libro (kahit na magbebente na ko kinabukasan nang araw na ‘yon).

Nasa pabalat ng aklat na ang Mingaw ay isang R-18 na erotika. Nang Ginoogle ko ang kahulugan neto, ang “mingaw” ay isang salitang Bisaya para sa deserted (adj.) o lonely (adj.). Kwento ito ng mag-asawang si Gelli at Scott, na nakikipagbuno sa hirap ng buhay-OFW. Napilitan si Scott na mangibang bansa sa pag-asang magkaroon sila ng mas magandang buhay, ngunit ito pala ang simula ng kanilang pangungulila at iba pang problema sa kanila relasyon.

Continue reading